組織職員招聘面試提問技巧

要點

問答重點/語句例子

• X先生/ Y小姐，多謝你應徵我哋組織幹事呢個職位

• 我先介紹我地幾位組織委員: Amy、Brian、Sam
• 邀請你都介紹下自己

(掌握對方是否認識及認同自助互助信念、組織的服務宗旨)

• 請你分享下你對我地組織的認識？
• 過去曾否接觸長期病患者或病人組織？
• 你對病人組織的工作有甚麼看法？

(組織考慮招聘時應清晰訂定職位的工作範疇及所需能力)

直接提問

• 我哋組織都舉辦不同活動俾會員，包括茶聚、迎新會、旅行等。而呢個職位都需要幫委員一齊統籌呢類活動，你有相關而自己覺得做得幾好既經驗同我哋分享下？
• 可追問：你覺得能夠成功做好統籌角色最關鍵的是甚麼？

模擬情景提問

• 呢個職位都需要接聽社區人士或會員查詢，我哋依家喺到模擬情境，當我係社區人士，你係職員，想請你都解答下呢個查詢
• 模擬情景：社區人士: 我上星期見醫生時話我知我有XXX病，我唔知點算好，係咪唔會醫得好架？ 醫生介紹我搵你哋組織，你哋有咩幫到我架？

其他測試:

• (例1) 設計活動海報 – 可於面試前/後請對方設計活動宣傳 (舉例: 7月20日是本會成立廿五周年，請設計周年晚宴宣傳及邀請會友報名)
  *組織需預備電腦進行測試
• (例2) 英文溝通能力 – 讓對方知悉組織亦需要接觸以英語溝通的會員或顧問等；可轉以英語向對方發問及請對方以英語回答

團隊工作

• 我哋組織有2位職員，如你加入共有3位。想了解你認為團隊合作最關鍵係咩？ 一個團隊裡面，你嘅性格是傾向點樣嘅角色？

獨立工作

• 我哋只聘請1位職員，需要同事能自律及獨立工作。以你過去工作經驗，分享下有咩例子係你能獨立處理，而又處理得幾好？

• 多謝你讓我哋認識你多咗，睇下你有無咩問題想問？

(讓應徵者更多了解組織工作特性及期望)

• (例) 呢個職位都需要單獨獨立工作，而委員都是義工，日間都要返工，未必能及時回應職員提問，需要大家訂溝通模式。
• 呢度嘅工作時間係按需要晚上或假日工作，如每月有一晚開委員會議，假日舉辦活動後可補假